Xitay pakistanda yadro éléktr istansisi qurudighanliqini élan qildi

Roytérs agéntliqining xewer qilishiche, xitay yadro énérgiye shirkitining mu'awin bashliqi chu jen'gang ikki terepning hazir kélishish üstide ikenlikini bildürgen. U buningdin sirt ikki terepning pakistan'gha herbiri 300 mégawat bolghan 3 - we 4 - nomurluq ré'aktor sétip bérish üstide kélishim imzalighanliqini bildürgen.

Xitay ilgiri pakistan'gha ikki yadro ré'aktori sétip bergen bolup, mezkur ré'aktorlar penjab ölkisining peshmen rayonigha qurulghan. Eyni chaghda amérika da'iriliri bayanat élan qilip, xitayni pakistan bilen élip bériwatqan yadro tijariti heqqide éniq melumat bérishke we uni choqum xelq'ara yadro teminligüchiler birliki-- NSG ning testiqidin ötküzüshke chaqirghan idi.

Xitay da'iriliri bolsa, ikki dölet arisidiki yadro tijaritini "tinchliqperwer" dep aqlap kéliwatqan bolsimu, mezkur tijaret amérika we hindistanda endishe peyda qilmaqta.

Roytérs agéntliqining xewer qilishiche, pakistan terep xitay bilen bolghan yadro sodisining peqet pakistanning éléktr énérgiye mesilisini hel qilishni meqset qilidighanliqi, buningda bashqa bir niyetning yoqluqini bildürgen.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar