Uyghur élidiki parixor xitay emeldar 16 milyon yüen'ge xiyanet qilghan

Uyghur aptonom rayonluq soda-sana'et bashqurush idarisining sabiq mu'awin bashliqi li jyenjün parixorluq jinayiti bilen 13 yilliq qamaq jazasigha höküm qilin'ghan.
Muxbirimiz irade
2011.12.22
Share on WhatsApp
Share on WhatsApp

Li jyenjün ilgiri kéyin bolup qeshqer wilayetlik soda-sana'et bashqurush idarisi partkom sékrétari, mu'awin idare bashliqi, aptonom rayonluq soda-sana'et bashqurush idarisining mu'awin idare bashliqi bolup ishligen.

U bu jeryanda shirket en'ge aldurush, qurulush höddige bérish qatarliq ishlarda emilidin paydilinip para alghan we 2001-yilidin 2010-yilighiche bolghan on yil mabeynide jem'iy 16 milyon yüen'ge yéqin pulgha xiyanet qilghan.

Uyghur élidiki xitay emeldarlarning qanchilik derijide chirikleshkenlikini körsitip béridighan bu weqe ashkarilan'ghandin kéyin jem'iyette küchlük inkas qozghighan. Uning xiyanet qilghan pulining miqdari kishini chöchütidu. Emma közetküchiler, Uyghur élide ishlewatqan xitay emeldarlarning yuqiridin töwen'giche hemmisining xiyanetchilik qilidighanliqini, bundaq ehwalning tekrarlinishigha xitay hökümitining özi purset yaritip béridighanliqini bildürüshmekte.

Bu yilning béshida ili oblastliq partkomning sabiq sékrétari jyaw bawxu'amu parixorluq bilen qolgha élin'ghan, uning emilidin paydilinip yighqan bayliqimu nechche milyon xelq puligha teng idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.