Xitay kompartiye emeldarlirining chet'ellerge élip qachqan puli 50 milyard dollardin artuq

B b s agéntliqining xitay metbu'atliridiki uchurlardin neqil keltürüp tarqatqan xewirige asaslan'ghanda, 30 yil ichide xitay kompartiyisining 4000 etrapida rehbiri kadiri chet'elge qéchip ketken bolup, ularning özliri bilen élip ketken puli 50 milyard amérika dolliridin éship ketken.
Muxbirimiz ümidwar
2010.01.10
Share on WhatsApp
Share on WhatsApp

Bu qachqunlarning köpinchisi xitayda yuqiri hoquq tutqan hemde banka sistémisi bilen munasiwetlik shexsler iken.

Xewerde körsitilishiche, kompartiyining mezkur chirik emeldarlirining köpinchisi qéchip kétishtin ilgiri aldi bilen a'ile-tawabi'atlirini chet'ellerge orunlashturup, özlirining chirikliki pash bolghanliqini sezgen haman qéchip qutulghan iken. Bular chet'ellerde shirket qurush usuli bilen asta-asta özlirining iqtisadini chet'elge yötkigen iken.

B b s ning xewiride ilgiri sürülüshiche, körsitilishiche, yéqinda xitay kompartiyisi intizam tekshürüsh komitéti jama'et xewpsizlik ministirliki, edliye ministirliki, tashqi ishlar ministirliki qatarliq 17 organ bilen birlikte kompartiye emeldarlirining chet'elge qéchip kétishining aldini élish mesililirini muzakire qilghan hemde bu mesililerni hel qilish üchün masliship heriket qilish qarar qilin'ghan.

Chet'ellerdiki xitay öktichi-démokratik zatlirining öz metbu'atlirida tenqid qilishiche, xitay kompartiyisining köpligen yuqiri derijilik rehberlirining perzentlirining we a'ile-tawabi'atlirining chet'ellerde zor miqdardiki bayliq bilen makanlishishi ehwali éghir iken. Nöwette, xitay kompartiyisining chiriklikke we parixorluqqa zerbe bérishni kücheytiwatqanliqi, buning misali süpitide bir qisim ölke derijilik neper yuqiri derijilik rehbiri shexslerni qattiq jazalighanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.