Xitayning pérudiki mis kéni shiddetlik hujumgha uchridi

Xitayning pérudiki mis kéni qoralliq hujumgha uchrap, kan esliheliri pütünley weyran bolghan. Shinxu'a agéntliqining bayan qilishiche, xitay zijing guruhining péruning ri'o blanko shehiridiki mis kan shirkiti 11‏ - ayning 1 - küni namelum qoralliq kishilerning shiddetlik hujumigha uchrighan.
Muxbirimiz weli
2009.11.04

Shirketning kan eslihelirige ot qoyuwétilgen. Xitayning kan xizmetchiliridin 2 adem ölgen. Bu hujumning sewebi we meqsiti namelum.

B b s ning bayan qilishiche, xitay 2007‏ - yili en'giliyining pérudiki bir milyard 260 milyon tonna mis zapisi bar, her yili 220 ming tonna mis ishlepchiqirilip turuwatqan bir kénini bir miyard 500 milyon amérika dollirigha sétiwélip, mis qézishni tézlitishke bashlighandin kéyin, yerlik muhit qoghdighuchilirining qarshiliqigha uchrap kelmekte idi.

Roytrs agéntliqning bayan qilishiche, xitay bu mis kanni échishqa bashlighandin kéyin, péruning bu tagh rayonida epiyon we  xéroyn etkeschiliki yamrap kétip, yerlik xelqning ghezipi örlep qalghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.