Хитайниң вухән шәһиридә дәм елишқа чиққан һәрбий әмәлдарлар наразилиқ намайиши өткүзди

Хитайниң вухән шәһиридә бүгүн 800дин артуқ дәм елишқа чиққан һәрбий әмәлдар намайиш өткүзүп, һөкүмәттин өзлириниң турмуш параванлиқ ишлирини яхшилап беришни тәләп қилған. Мәлум болушичә булар, хитай хәлқ җумһурийити қурулғандин кейин һәрбий сәптә вәзипә өтигән вә 2000 - йилиғичә арилиқта һәрбий сәптин чекингәнләр болуп, булар нөвәттә өзлиригә бериливатқан турмуш ярдәм пулиниң йемәк - ичмәктин башқиға йәтмәйватқанлиқини, давалиниш ишлирида қийниливатқанлиқини баян қилған.
Өз мухбиримиз шөһрәт һошур
2011-11-21
Share

Радиомиз хитайчә бөлүминиң хәвәр қилишичә, вухән шәһәрлик әрзийәт идариси билән кадирлар идарисиниң мәсуллири намайиш йетәкчилири билән көрүшүп сөһбәт өткүзгән, әмма мәсилиләр үстидә пикир бирликигә келәлмигән. Бу дәм елишқа чиққан һәрбий намайишчилар, бүгүн чүштин кейин саәт 2 мәзгилидә тарқап кәткән. Улар, әгәр мәсилиси вухәндә һәл болмиған тәқдирдә, бейҗиңға берип мәркизи һөкүмәткә әрз сунидиғанлиқини билдүрүшкән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт