Kéngesh palata ezasi charliz shumér xitayning 'xelq puli siyasiti'ge qarshi tedbir qollinishni telep qildi

Amérika kéngesh palata ezasi charliz shumér dölet mejlisini xitayning "xelq puli siyasiti"ge qarshi tedbir qollinishqa chaqirip, derhal qanun chiqirishni telep qildi. U xitaygha jiddiy tedbir qollanmighiche, uning xelq puli kursini monopol qilishtin waz kechmeydighanliqini bildürdi.
Muxbirimiz erkin
2010-08-11
Share

Amérika soda ministirliqining ashkarilishiche, amérikining 6 ‏- aydiki bir ayliq soda qizil reqimi 8.18 Pirsent köpiyip, az kem 50 milyard dollargha yetken. Bu qizil reqemning yérimi amérikining xitay bilen bolghan sodisida körülgen bolup, amérikining xitay bilen bolghan sodida 6‏ - ay ichidiki bir ayliq qizil reqimi 2.26 Milyard dollar köpeygen. Bu san 2009‏ - yili 6‏ - ayda 4.18 Milyard dollar idi.

Xitay bilen bolghan sodida bu yil 6‏ - aydiki bir ayliq qizil reqem ötken yilning oxshash mezgilige sélishturghanda az kem 8 milyard dollar ashqan. Kéngesh palata ezasi charliz shumér seyshenbe küni mexsus bayanat élan qilip, "bu sanliq melumatlar xitaygha bésim ishletmigiche, uning pul kursini monopol qilishqa xatime bérish niyitining qanchilik az ikenlikini namayen qilidu" dep körsetti.

Amérika dölet mejlisidiki köpchilik ezalar we amérika karxana sahesi xitayning xelq puli kursini meqsetlik chüshürüp, adaletsiz éksport riqabiti bilen shoghulliniwatqanliqini, bu amérika soda qizil reqimining zoriyishini keltürüp chiqiriwatqanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet