Xitay xelq pulining almashturush qimmiti mesiliside amérikigha qarshi inkas qayturdi

Muxbirimiz ümidwar
2010-03-21
Share

Bu uchur en'gliye b b s agéntliqining xewiride éytilghan bolup, buning aldida amérika hökümiti eger xitay hökümiti xelq pulining almashturush qimmitini kontrol qilsa, amérikining xitaygha nisbeten jaza qollinidighanliqini agahlandurghan hemde amérika maliye ministirliki bu mesilide kéler ayda qarar chiqirishni békitken idi.

Xewerde körsitilishiche, bu mesilide xitayning "xelq géziti" maqale élan qilghan bolup, buningda xitay soda ministiri chén démingning amérikigha inkas qayturup, bu mesilide xitayningmu qarap turmaydighanliqini tekitligenliki hemde amérikining bu herikitini" yüzeki we tar da'irilik" dep tenqid qilghanliqi otturigha qoyulghan.

Xewerlerdin melum bolushiche, xitay mu'awin soda ministiri jongshen 24 - marttin 26 - martqiche washin'gtonni ziyaret qilip, amérika dölet mejlisi ezaliri we soda ministirliqidiki erbablar bilen körüshüp, ikki döletning soda sahesidiki ixtilaplirini we bashqa mesililerni hel qilish üchün pikir almashturudiken.

Xitay xelq pulining amérika dolliri bilen bolghan almashturush qimmitini töwen sewiyide kontrol qilish arqiliq ikki dölet sodisida paydigha érishiwatqanliqi, bu sewebtin amérikining köp qétim xelq pulining almashturush qimmitini erkin qoyuwétishni teshebbus qilghan bolsimu, biraq, netije bermey, ikki döletning bu mesilidiki ixtilapining barghanséri küchüyiwatqanliqi melum.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet