Xitay hökümiti xelq puligha munasiwetlik qanun layihisige naraziliq bildürdi

Bir qisim amérika palata ezaliri xitay hökümitining öz pulining almashturush qimmitini qesten töwen tutuwatqanliqigha qarshi bir qanun layihisi tonushturghan. Bügün xitay tashqi ishlar ministirliqi bayanat élan qilip, mezkur qanun layihisige naraziliq bildürdi.
Muxbirimiz jüme
2010-06-14
Share

Xitay bayanatchisi ching gang mundaq dédi: "biz alaqidar amérika siyasiyonlirining bashqilarni eyibleshning ornigha öz iqtisadidiki qorulma xaraktérlik mesililer üstide estayidil oyliship körüshini ümid qilimiz."

Bir qisim gherb iqtisadshunasliri, xitay hökümitining xelq pulining almashturush qimmitini bazar nerxidin qesten töwen tutup kelgenlikini körsetken. Ularning qarishiche, xitay shu arqiliq xitay mallirining tennerqini töwenlitip, xelq'arada adaletsiz bazar riqabiti peyda qilghan we gherb shirketlirining ziyan tartishini keltürüp chiqarghan iken.

Mezkur pikir amérika hökümet da'iriliri arisidimu barghanche ulghiyishqa bashlighan idi.

 Ötken peyshenbe küni, amérika maliye ministiri timity gaytnér xitay da'irilirining xelq pulining almashturush qimmitini tengsheshni ret qilishi dunya xaraktérlik tengsizlik peyda qilghanliqini otturigha qoyghan idi.

Ötken peyshenbe küni yene, charléz skumér qatarliq amérika palata ezaliri xelq pulining almashturush qimmiti mesiliside xitayni jazalaydighan bir qanun layihisi tonushturghan idi.

Melum bolushiche, palata ezaliri yene, mezkur qanun layihisini mushu ayning axirighiche qanun qilip tüzüp chiqidighanliqini ilgiri sürüshken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet