Xitay da'iriliri xitay pulining almashturush qimmitige qaritilghan kontrolluqni bikar qilishi mumkinlikini ilgiri sürdi

Xitay da'iriliri shenbe küni xitay pulining almashturush qimmitige qaritilghan kontrolluqni bikar qilishi mumkinlikini ilgiri sürdi.
Muxbirimiz jüme
2010-03-06
Share

Roytérsta körsitishiche, xitay xelq qurultiyida sözge chiqqan xitay merkiziy bankisi bashliqi ju shawchüen, xitay hökümitining pul siyasitini hamini bir küni özgertidighanliqini ilgiri sürgen.

U muxbirlarni kütüwélish yighinida, xitay 2008 - yilidin béri bir xil nisbette saqlap kéliniwatqan pul siyasitining iqtisadi chékinish dewride xitay we dunya iqtisadining yuqiri kötürülüshige töhpe qoshqanliqi tekitlesh bilen birge yene, "bu xil siyasetni özgertish mesilisi ilgiri - kéyin bolup otturigha chiqidu" dégen. U yene, xitayning bu xil siyasetni özgertishke intayin éhtiyatchan mu'amile qilidighanliqinimu qoshumche qilghan.

Xitay öz tawarlirining xelq'ara bazardiki riqabet küchni ashurush üchün xitay pulining almashturush qimmitini qesten töwen tutup turmaqta idi. Xitayning bu xil namuwapiq pul siyasiti amérika qatarliq xitayning soda shériklirining tashqi soda nisbitide qizil reqem körsetken bolghachqa, amérika we yawropa da'iriliri xitayni pul siyasitini özgertip xitay pulining almashturush qimmitini erkin qoyuwétishke qistap kelmekte idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet