1300 Километирлиқ қазақ - хитай газ туруба линийиси

Қазақ - хитай даирилири шәнбә күни хитайға газ йәткүзидиған 1300 километирлиқ қазақ- хитайй туруба линийиси һәққидики хәвәрләрни ашкарилиди.
Мухбиримиз җүмә
2009-12-12
Share

Бирләшмә агентлиқида көрситишичә, бу һәқтики хәвәрни қазақ президенти нурсултан нәзәрбаюф билән қазақистанда зиярәттә болуватқан хитай рәиси ху җинтав бирликтә елан илған.

Мәлум болушичә, мәзкур 1300 километирлиқ газ туруба линийиси қазақистанниң русийә арилаштурулмиған тунҗи чәтәлгә газ експорт қилиш туруба линийиси икән.

Қазақистан дөләтлик тәбиий газ ширкити "казмунайгаз" ниң билдүрүшичә, мәзкур туруба линийисиниң хитайға газ йәткүзүш миқдари 2010 - йилида күнигә хитайға 13 милярд куб метирлиқ сәвийигә йетидикән.

Хәвәрдә оттуриға қоюлушичә, қазақ - хитай тәбиий газ туруба линийисиниң қазақ бөликини тамамлашқа 6.7 Милярд америка доллири вә 4 миң әмгәк күчи аҗритилған.

Хитай йеқинқи йиллардин бери енергийә бихәтәрлики мәсилисини һәл қилиш үчүн оттура асия әллириниң енергийә записиғиму көз тикип кәлмәктә иди.

Хәвәрләргә қариғанда хитай түркмәнистан билән 7 миң километирлиқ түркмәнистан - хитай тәбиийй газ туруба линийиси тохтами түзгән болуп, бу туруба линийиси 1300 километирлиқ қаза -хитай туруба линийисини оз ичигә алиду. Мәзкур туруба линийиси түркмәнистандин башлинип, өзбекистан вә қазақистандин өтүп уйғур елигә тутушиду вә хитайниң ичкири өлкилиригә йәткүзүлиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт