1300 Kilométirliq qazaq - xitay gaz turuba liniyisi

Qazaq - xitay da'iriliri shenbe küni xitaygha gaz yetküzidighan 1300 kilométirliq qazaq- xitayy turuba liniyisi heqqidiki xewerlerni ashkarilidi.
Muxbirimiz jüme
2009-12-12
Share

Birleshme agéntliqida körsitishiche, bu heqtiki xewerni qazaq prézidénti nursultan nezerbayuf bilen qazaqistanda ziyarette boluwatqan xitay re'isi xu jintaw birlikte élan ilghan.

Melum bolushiche, mezkur 1300 kilométirliq gaz turuba liniyisi qazaqistanning rusiye arilashturulmighan tunji chet'elge gaz éksport qilish turuba liniyisi iken.

Qazaqistan döletlik tebi'iy gaz shirkiti "kazmunaygaz" ning bildürüshiche, mezkur turuba liniyisining xitaygha gaz yetküzüsh miqdari 2010 - yilida künige xitaygha 13 milyard kub métirliq sewiyige yétidiken.

Xewerde otturigha qoyulushiche, qazaq - xitay tebi'iy gaz turuba liniyisining qazaq bölikini tamamlashqa 6.7 Milyard amérika dolliri we 4 ming emgek küchi ajritilghan.

Xitay yéqinqi yillardin béri énérgiye bixeterliki mesilisini hel qilish üchün ottura asiya ellirining énérgiye zapisighimu köz tikip kelmekte idi.

Xewerlerge qarighanda xitay türkmenistan bilen 7 ming kilométirliq türkmenistan - xitay tebi'iyy gaz turuba liniyisi toxtami tüzgen bolup, bu turuba liniyisi 1300 kilométirliq qaza -xitay turub'a liniyisini oz ichige alidu. Mezkur turuba liniyisi türkmenistandin bashlinip, özbékistan we qazaqistandin ötüp Uyghur élige tutushidu we xitayning ichkiri ölkilirige yetküzülidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet