Xitay bügün qazaqistan bilen yadro énirgiye kélishimi imzalidi

Xitay bügün qazaqistan bilen yadro éléktir istansisi kélishimi imzalidi. Fransiye agéntliqining bayan qilishiche, qazaqstanning yadro énirgéye shirkiti bolghan qaz - atom - prom, yadro énirgiyisige muhtaj boluwatqan qoshnisi xitayning gu'angdung yadro énirgiye guruhi bilen birlikte chong yadro éléktir istansisi qurush üchün bügün kélishim imzalighan.
Muxbirimiz weli
2009.04.29

Kélishim imzalan'ghandin kéyin, xitayning uran seplimiliri shirkitining bash mudiri ju jénshingning almatada bayan qilishiche, bu ikki dölet otturisida 2006‏ - yili yadro énirgiyisi buyiche hemkarliq bashlan'ghan bolup, shu kélishim buyiche, qazaqistan 2008‏ - yilidin 2020‏ - yilighiche xitaygha 24 ming tonna uran sétip bermekchi bolghan iken. Emdi xitay yadro yéqilghulirini qazaqistandin biwaste yötkeshke bashlaydiken.

Xewerde teswirlinishiche, xitay on nechche yildin buyan iqtisadining éshishigha egiship, hedep özining atom quwiti iqtidarini ashurush üchün térishmaqta.

Qaz - atom - prom ning bayan qilishiche, qazaqistan pütün dunyadiki uran zapisining 20% ge ige. Qazaqistan ötken yili 8500 tonna uran tawlighan. Bu yil 11 ming tonna tawlimaqchi. Qazaqistan yadro mehsulatlirini ishlesh jehette 2010 ‏ - yili awstraliye we kanadadin éship kétidu. 


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.