Xelq'ara kechürüm teshkilati xitayning qoral-yaraq sodisidiki pozitsiyisini tenqid qildi

Xelq'ara kechürüm teshkilati xitay re'is xu jintawning daniyide ziyariti bashlinishtin ilgiri bayanat élan qilip, daniye hökümitini xitay re'is xu jintawgha xelq'ara qoral sodisini chekleshte oynawatqan selbiy roli toghruluq bésim ishlitishke chaqirdi.
Muxbirimiz irade
2012-06-14
Élxet
Pikir
Share
Print

Fransiye agéntliqining xewiride körsitilishiche, xitay hökümiti tapancha we bashqa yénik tipliq qorallarni b "B d t qoral-yaraq sodisini cheklesh kélishimi" diki élip-sétish cheklinidighan qorallar tizimlikidin chiqiriwétishte urunuwatqan bolup, bu kishilik hoquq organlirini qattiq narazi qilghan.

Kechürüm teshkilati bügünki bayanatida yiligha 500 ming ademning del mushu xil qorallar sewebidin hayatidin ayriliwatqanliqini bildürüp, daniye hökümitini bu mesilide xitaygha bésim ishlitishke chaqirdi.

"B d t qoral-yaraq sodisini cheklesh kélishimi" ning alaqidar maddilirigha özgertish kirgüzüsh yighini 7- ayda nyuyorkta échilidighan bolup, hazir kishilik hoquq organliri qoral-yaraqning xelq'arada erkin éqip yürüshini tosush, tijariti cheklinidighan qorallarning sanini köpeytish üchün heriket qilmaqta.

Toluq bet