Xitayning qoralliq qisim bash shitabi ölkiler ara qomandan almashturmaqta

Xitayning qoralliq qisim bash shitabi yéqinda ölkiler ara qomandan almashturushqa bashlighan. Dowéy agéntliqining teswirlishiche, bu, kommunist partiye xitayda dölet qurghanliqining 60 yilliqini chong xatirilesh üchün yolgha qoyuwatqan muqimliqni saqlash tedbiri ongushsizliqqa duch kelgende qollinilghan tedbir.
Muxbirimiz weli
2009-05-20
Share

Xewerde éytilishiche, bu qétimqi chong almashturush yene, xitayning xelq qurultéyida ötken ayda muzakire qilin'ghan 'xelq qoralliq saqchiliri qanuni' ni emeliyleshtürüshtin burun, xitayning tibet , Uyghur aptonom rayonliridiki we fujyendiki qoralliq saqchi qisimlirining qomandanlirini almashturuwétip, ularning hoquqini qanunlashturushni meqset qilidu.

'Jenubiy xitay seher géziti' ning bayan qilishiche, bu qétimqi chong almashturush , uzundin buyan xitay hökümitini jiddiyleshtürüp kéliwatqan , bolupmu bultur 3‏ - ayda diniy zatlar herikiti yüz bergen tibet we 8‏ - ayda ikki neper yerlik xelq bir qétimdila chégra saqchiliridin az dégende on nechchini öltürgen weqe yüz bergen shinjangdin ibaret siyasiy jehette intayin sezgür bolghan bu ikki rayonda yéngi herbiy küch uyushturushni meqset qilidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet