Хитай муавин рәиси ши җинпин русийә зияритини башлиди

Хитай муавин дөләт рәиси ши җинпиң 21 - март күни русийә зияритиниң биринчи бекити болған владивостокқа йетип кәлди. Ши җинпиң русийиниң тинч окян бойидики әң чоң шәһири вә тинч окян райониға қаратқан муһим һәрбий истратегийилик нуқтиси һесабланған мәзкур шәһәрдә икки күн зиярәттә болуп, бир қатар паалийәтләргә қатнишишни пиланлиған.
Мухбиримиз үмидвар
2010-03-21
Share

Хитай мәтбуатлириниң ашкарилишичә, ши җинпиң владивостоктики сәпирини ахирлаштуруп болғандин кейин, 23 -март күни санктпетербургни зиярәт қилип, русийә башлиған "хитай тили йили" паалийитиниң ечилиш мурасимиға һәмдә хитай компартийиси билән русийә бирлик партийисидин ибарәт икки һакимийәттики партийиниң диалог паалийитигә қатнишиду шуниң билән бир вақитта йәнә русийә баш министири владимир путин билән көрүшүп, икки дөләт һәмкарлиқлири һәққидә сөһбәт өткүзиду.

Ши җинпиңниң бу қетимқи зияритигә русийә көзәткүчилири диққәт қилған болуп, русийә тәһлилчилириниң қаришичә, ши җинпиңниң бу қетимқи русийә зиярити униң русийигә техиму тонулушини қолға кәлтүриду. Бирақ, ши җинпиңниң бу қетимқи зиярити русийә билән хитайниң сода қиммитидә чүшүш көрүлгән, хәлқара пул муамилә саһәсидә кризис пәйда болған һәмдә сода - иқтисад, хәлқ пулиниң алмаштуруш қиммити, интернет вә тәйвәнгә қорал сетип бериш қатарлиқ көп мәсилиләрдә америка билән хитай арисидики ихтилаплар күчәйгән бир пәйткә тоғра кәлгән.

Көзәткүчиләр ши җинпиңниң бу бир қатар мәсилиләрдә хитайниң русийиниң қоллишиға еришишни мәқсәт қилидиғанлиқиниму оттуриға қоюшмақта.

Ши җинпиңниң өз зияритини хитайлар тарихий җәһәттин әслидә "җуңгониң земини" дәп қарап, хәнзучә хәйшеңвей дәп атиған владивосток шәһиридин башлиши, техиму муһим диққәтни тартқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт