Xitay mu'awin re'isi shi jinpin rusiye ziyaritini bashlidi

Xitay mu'awin dölet re'isi shi jinping 21 - mart küni rusiye ziyaritining birinchi békiti bolghan wladiwostokqa yétip keldi. Shi jinping rusiyining tinch okyan boyidiki eng chong shehiri we tinch okyan rayonigha qaratqan muhim herbiy istratégiyilik nuqtisi hésablan'ghan mezkur sheherde ikki kün ziyarette bolup, bir qatar pa'aliyetlerge qatnishishni pilanlighan.
Muxbirimiz ümidwar
2010.03.21

Xitay metbu'atlirining ashkarilishiche, shi jinping wladiwostoktiki sepirini axirlashturup bolghandin kéyin, 23 -mart küni sanktpétérburgni ziyaret qilip, rusiye bashlighan "xitay tili yili" pa'aliyitining échilish murasimigha hemde xitay kompartiyisi bilen rusiye birlik partiyisidin ibaret ikki hakimiyettiki partiyining di'alog pa'aliyitige qatnishidu shuning bilen bir waqitta yene rusiye bash ministiri wladimir putin bilen körüshüp, ikki dölet hemkarliqliri heqqide söhbet ötküzidu.

Shi jinpingning bu qétimqi ziyaritige rusiye közetküchiliri diqqet qilghan bolup, rusiye tehlilchilirining qarishiche, shi jinpingning bu qétimqi rusiye ziyariti uning rusiyige téximu tonulushini qolgha keltüridu. Biraq, shi jinpingning bu qétimqi ziyariti rusiye bilen xitayning soda qimmitide chüshüsh körülgen, xelq'ara pul mu'amile saheside krizis peyda bolghan hemde soda - iqtisad, xelq pulining almashturush qimmiti, intérnét we teywen'ge qoral sétip bérish qatarliq köp mesililerde amérika bilen xitay arisidiki ixtilaplar kücheygen bir peytke toghra kelgen.

Közetküchiler shi jinpingning bu bir qatar mesililerde xitayning rusiyining qollishigha érishishni meqset qilidighanliqinimu otturigha qoyushmaqta.

Shi jinpingning öz ziyaritini xitaylar tarixiy jehettin eslide "junggoning zémini" dep qarap, xenzuche xeyshéngwéy dep atighan wladiwostok shehiridin bashlishi, téximu muhim diqqetni tartqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.