Xitay bilen rusiye gaz turuba qurulushi kélishimi imzalidi

Rusiyide ziyarette boluwatqan xitay bash ministiri wén jyabaw,, rusiye bash ministiri potin bilen körüshkendin kéyin, seyshenbe küni ikki dölet otturisida sibiriye néfit gaz turubisi bilen xitayning gaz turubisini tutashturush kélishimnamisi imzalan'ghan.
Muxbirimiz gülchéhre
2008-10-28
Share

Xitay néfit, tebi'iy gaz guruhi bilen rusiyidiki eng zor néfit gaz turuba guruhi bolghan (transneft) transnéfit guruhi öz ‏ - ara kélishim hasil qilghan bu gaz turuba qurulushi pütse yiligha 15 milyon tonna néfit toshughili bolidu. Mezkur turuba sébiriyidin xitayning rusiye chégrisidiki xu'abéy daching néfitliki turubisi bilen ulashturulidiken.

B b s da körsitilishiche, gerche xitay rusiye bilen énérgiye söhbiti ötküzüwatqanliqigha xéli yillar bolghan bolsimu, rusiye xitaygha néfit import qilishtiki beshinchi orunda turidiken.

Rusiye dunyada se'udi erebistandin qalsa ikkinchi chong néfit ishlepchiqirish döliti hésablinidu. Közetküchilerning qarishiche, néfit bahasi töwenligen bir peytte xitay bu pursetni qoldin bermeslikke tirishiwatqan bolup, bu qétim xitay yene rusiye néfit shirkiti bilen hemkarliqni qolgha keltürüsh üchün söhbetlishiwatqan bolup, bu sodida xitay rus néfit shirkitige bir milyard dollar meblegh salmaqchi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.