Хитай - русийә сода мунасивәтлиридә җиддийлик көрүнүшкә башлиди

Москва шәһәрлик һөкүмәт өз шәһиригә җайлашқан хитай маллири базирини тақивәткәндин кийин, хитай - русийә сода мунасивәтлиридә җиддийлик көрүнүшкә башлиди.
Мухбиримиз җүмә
2009-07-24
Share

Ройтерста хәвәр қилишичә, москва шәһиригә җайлашқан черкизовскй базирини тақаш буйруқи чиқирилғандин кийин, хитай муавин сода министири гав хучең хитай русийә сода мунасивәтлири һәққидә сөһбәтлишиш учун бу һәптә москваға кәлгән.

Хитай муавин сода министири баянатида, русийә тәрәпниң русийә - хитай истратегийилик мунасивәтлириниң тәрәққиятини көздә тутуп, мәзкур базар мәсилисигә тарихий нуқтидин қариши, мәсилини қанун бойичә һәл қилиши керәкликини оттуриға қойған.

29 - Июн москва шәһири буйруқ чиқирип, асаслиқ хитай маллири сетилидиған черкизовскй базириниң әткәсчилик билән четишлиқи барлиқини көрситип тақивәткән вә икки милярд доллар қиммитидики таварни мусадирә қилған иди.

Черкизовскй базири тақалғандин кейин, мәзкур базарда сода қилидиған 100 миң ишчи бикар қалған болуп, буларниң көп қисми хитай вә вйетнамлиқлар икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт