Xitay - rusiye soda munasiwetliride jiddiylik körünüshke bashlidi

Moskwa sheherlik hökümet öz shehirige jaylashqan xitay malliri bazirini taqiwetkendin kiyin, xitay - rusiye soda munasiwetliride jiddiylik körünüshke bashlidi.
Muxbirimiz jüme
2009-07-24
Share

Roytérsta xewer qilishiche, moskwa shehirige jaylashqan chérkizowsky bazirini taqash buyruqi chiqirilghandin kiyin, xitay mu'awin soda ministiri gaw xuchéng xitay rusiye soda munasiwetliri heqqide söhbetlishish uchun bu hepte moskwagha kelgen.

Xitay mu'awin soda ministiri bayanatida, rusiye terepning rusiye - xitay istratégiyilik munasiwetlirining tereqqiyatini közde tutup, mezkur bazar mesilisige tarixiy nuqtidin qarishi, mesilini qanun boyiche hel qilishi kéreklikini otturigha qoyghan.

29 - Iyun moskwa shehiri buyruq chiqirip, asasliq xitay malliri sétilidighan chérkizowsky bazirining etkeschilik bilen chétishliqi barliqini körsitip taqiwetken we ikki milyard dollar qimmitidiki tawarni musadire qilghan idi.

Chérkizowsky baziri taqalghandin kéyin, mezkur bazarda soda qilidighan 100 ming ishchi bikar qalghan bolup, bularning köp qismi xitay we wyétnamliqlar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet