Хитайниң 'хәлқ пули' ичидә 100 йүәнлик ялған пул көпәймәктә

Б б с өткән айда, хитайда 100 йүәнлик ялған пул пәйда болғанлиқини хәвәр қилған иди. Йеқинда бейҗиңда чиқидиған 'хәлқара авангарт гезити' му йеқинда, һазир вйетнам, бирма қатарлиқ хитайға чегридаш дөләтләрдики пул базирида хитайниң 'хәлқ пули' ға сахта пул арилишип қалғанлиқини, бу дөләтләрдә бундақ сахтипәзликкә зәрбә бериш үчүн наһайити көп сақчи күчини сәрп қилишқа тоғра кәлгәнликини баян қилди.
Мухбиримиз вәли
2009-01-14
Share

Хоңкоңдики учур вастилириниң паш қилишичә, хитайниң 100 йүәнлик 'хәлқ пули' ичидә HD90, HB, FA бәлгилик сахта пуллар хоңкоңға киришкә башлиған. Бундақ һадисә һазир шәрқий - җәнубий асия ширкәтлириниң хитайниң 'хәлқ пули'ға болған ишәнчисини төвәнлитивәткән.

Шинхуа агентлиқиниң түнүгүнки хәвиридә баян қилинишичә, хитай хәлқ банкисиниң башлиқи йе йиңнән һазир ямрап кәткән сахта пулларни, гәрчә көз билән пәрқләндүрүш қейин болсиму, әмма банкиниң пул машинилири пәрқләндүрәләйдиғанлиқини, буниңдин хәлқниң әндишә қилмаслиқи керәкликини тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт