Xitayning merkizi hökümet shirketliridin 120 si Uyghur yurtlirigha kirip orunliship boldi

Xitayning tengritagh xewer torida ashkarilinishiche, xitay “Yéngi chégra” dep atawatqan hem échishni tézlitiwatqan Uyghur zéminigha 8‏-ayning axirigha qeder xitayning merkizi hökümet shirketliridin 120 si kirip bolghan.
Muxbirimiz weli
2011.10.05

Bu shirketler yawro-asiya körgezmisi jeryanida, ichki we tashqi sodigerler bilen 7 tirilyon yüenlik toxtam tüzüp bolghan.

Xitayning ghuljigha 50 milyard yüen meblegh salghan chingxu'a shirkitining bashliqi, biz eslide kömür qazidighan shirket iduq, hazir tereqqiy qilip -kéngiyip kömürdin gaz, pilastimasa qatarliq mehsulatlarni ishleydighan köp xil mehsulatliq shirketke aylanduq, dégen.

Bir sayahet shirkitining bashliqi, bu méning 5‏-qétim yéngi chégragha kélishim, birinchi qétimda kélip qawaqxana achqan, bay bolup hazir herxil medeniyet, sayahet orunlirini échish üchün 2 milyard yüen meblegh saldim, dégen.

Buningdin birnechche kün burun, xitay kommunist hökümiti Uyghur yurtlirigha éqip kelgen 6 milyondin artuq xitayni menggülük nopusqa aylandurush, ularni alahide teminat we iqtisadiy yardemlerge ige qilish heqqide höjjet chiqarghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.