Kishilik hoquq teshkilatliri chet'eldiki xitay shirketlirining ishchilarni xarlighanliqini ilgiri sürdi

Merkizi nyuyorktiki kishilik hoquq közitish teshkilati 23-aprél küni bayanat bérip, xitayning zambiye qatarliq döletlerde kan échiwatqan renglik métal shirketlirining, emgek qanunigha xilap halda, yerlik ishchilarni xarlash qilmishlirining jawabkarliqini sürüshtürüsh kéreklikini tekitlidi.
Muxbirimiz méhriban
2012.04.24

Kishilik hoquq közitish teshkilatining bu bayanati, xitayning dölet igilikidiki renglik métal shirkitining zambiye shöbisi öz mehsulatlirini xongkong bazirida sétishning aldida élan qilindi.

Kishilik hoquq közitish teshkilati ilgiri élan qilghan doklatida, xitay renglik métal shirkitining zambiyide xelq'ara emgek qanunigha xilap halda, yerlik ishchilarning ish heqqini tutuwélip, ularning emgek waqtini uzartqanliqi, bixeterlik tedbirliri élinmighanliqi üchün kan rayonida köpligen hadisiler yüz bergenliki hemde naraziliq bildürgen ishchilargha, ishtin boshitiwétidighanliqi heqqide tehdit qilghanliqi qatarliq pakitlarni ashkarilan'ghan idi.

Xewerlerdin melum bolushiche, yéqindin buyan zambiye emgek ministiri hem zambiye ishchilar birleshmisimu doklat élan qilip, xitay shirketlirining zambiye ishchilirigha qaratqan mu'amilide kishilik hoquq qanunigha xilapliq qilghanliqini eyibligen. Zambiye emgek ministiri öz bayanatida “Zambiye xitay shirketliri bilen hemkarlishidu. Emma zambiyidiki xitay shirketliri xelq'ara emgek qanunigha ri'aye qilishi sherti bilen, shirkettiki barliq xadimlargha barawer, adil mu'amile qilishi kérek” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.