Amérika xitay shirketlirige alaqidar erz üstide tekshürüsh élip baridighanliqini bildürdi

Amérika soda ministirliqi jüme küni xitay shirketlirining amérikida erzan bahaliq pollarni tökme qilip satqanliqigha alaqidar erz üstide tekshürüsh élip baridighanliqini bildürdi.
Muxbirimiz jüme
2010-11-13
Share

Melum bolushiche, amérikidiki yaghach pol yasaydighan bir qisim chong shirketler xitayning erzan bahaliq pollarni amérika bazirida tökme qilip sétip, amérika shirketlirini ziyan'gha uchritiwatqanliqi toghrisida amérika soda ministirlikige erz yollighan.

Bu heqtiki erzini amérikidiki andérson yaghach polliri, awar polchiliqi, we shaw sana'et guruhi qatarliqlar birlikte yollighan.

Erzde, xitaydin import qilinidighan yaghach pollardin 195 pirsenttin, 281 pirsentkiche tökme qilip sétishqa qarshi baj élish telep qilin'ghan.

Erzde yene, bu xildiki shirketlerge xitay hökümiti béridighan yardemge qarshi bir qisim qoshumche heqlernimu élish telep qilin'ghan.

Amérika - xitay soda alaqisida amérika terepte her yili nechche yu milyard dollar qizil reqem körülidu.

Mutexessisler buni xitayning pul qimmitini derijidin tashqiri töwen tutqanliqi keltürüp chiqarghanliqini ilgiri sürgen. Pul qimmiti mesilisi nöwette amérika - xitay munasiwetliridiki jiddiy xaraktérlik mesililerning biridur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet