Xitay güentanamodiki 2 Uyghur mesiliside shwétsariyige tehdit saldi

Xitay hökümiti shwétsariyining güentanamodiki aka - uka Uyghurlardin erkin mehmut bilen bextiyar mehmutni qobul qilidighanliqigha qarshi bayanat élan qilip, "shwétsariyining qarari xitay - shwétsariye munasiwitige ziyan yetküzidu," dep agahlandurdi.
Muxbirimiz erkin
2010-02-04
Share

Shwétsariye bolsa yuqiriqi ikki Uyghurning bixeterlikke tehdit yetküzmeydighanliqini, ularni qobul qilishta insanperwerlikni chiqish qilghanliqini bildürgen.

Xitay tashqi ishlar ministirliqi bayanatchisi ma jawshuy peyshenbe künlük axbarat élan qilish yighinida muxbirlarning bu heqtiki so'alligha jawab bérip, xitay terepning bu mesilini xitay - shwétsariye erkin soda kélishimi tüzüsh söhbet yighinida otturigha qoyghanliqini tekitligen.

"Bu qarar junggo - shwétsariye munasiwitige tesir körsitidu" dep tekitligen ma jawshuy, güentanamodiki bu kishiler sherqiy türkistan islam herikitining ezaliri ikenlikini, sherqiy türkistan islam herikiti bolsa b d t xewpsizlik kéngishining térrorluq teshkilatlar tizimlikige kirgüzülgenlikini ilgiri sürgen.

Lékin merkizi washin'gtondiki amérika Uyghur jem'iyiti bayanat élan qilip, shwétsariyining bu qararini qarshi alidighanliqini bildürüp, "shwétsariye hökümiti we xelqining insanperwerlik rohini namayen qilip, xitayning tinimsiz bésimigha qarimay bu ikki kishini qobul qilghanliqi pewqul'adde ehmiyetlik," dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet