Xitay süt parashuki terkiwidiki mélamin miqdarigha ölchem belgilidi

Xitay sehiye ministirliqi bügün axbarat élan qilish yighini échip, süt parashuki terkiwidiki mélamin miqdarigha yéngidin ölchem belgiligenlikini élan qildi.
Muxbirimiz shöhret hoshur
2008-10-08
Share

Sehiye ministirliqining bildürüshiche, süt parashuki mehsulatlirini mélamindin tamamen xaliy qilish mumkin emes, chünki u süt parashuki qachilan'ghan pilastik xaltidinmu singip kirish xususiyitige ige. Shunga xitay sehiye ministirliqi süt parashukida bayqalsa yol qoyushqa bolidighan mélamin miqdarining eng yuqiri chékini belgiligen. Belgilime buyiche, her bir kilogram süt parashokidiki mélamin miqdari bir milligram, normal süttikisi bolsa 5.2 Milligramdin éship ketmesliki kérek.

Xitay sehiye ministirliqi yuqiriqi ölchem bilen bir qatarda, süpet tekshürüsh tüzümlirini kücheytkenlikini bildürgen. Emma közetküchiler süt parashuki mesilisining ölchem belgilesh bilen tüzelmeydighanliqini, eksiche ölchemni nazaret qilghuchilarning mes'uliyetchanliqida özgirish bolushi kéreklikini, buning üchün xitayning siyasiy tüzülme islahatigha muhtaj ikenlikini bildürüshmekte.

Mezkur axbarat élan qilish yighinida muxbirlar sehiye ministirliqidin, süt parashukida ziyankeshlikke uchrighanlarning nöwettiki sani heqqide melumat sorighan, emma ministirliq jawab bérishni ret qilghan. Mutexessisler, bayqalghan ziyankeshlikke uchrighuchilarning 130mingdin ashqanliqini otturigha qoymaqta. Xitay bu yéngi belgilimisini élan qilghan bu künde wén'giriye, rusiye, filippin qatarliq döletlerde xitaydin import qilin'ghan bashqa yémeklik mehsulatliridinmu mélamin terkiwi bayqalghan.

Nöwette dunyada xitay yémeklik mehsulatlirigha qarita keng - kölemlik import cheklimisi yolgha qoyulmaqta. Hindonéziye yolgha qoyghan yéngi belgilime buyiche, xitaydin süt parashuki import qilghanlargha éghir jerimane qoyulghandin bashqa,ikki yilliq qamaq jazasi bérilidu.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet