Хитайда 14 - синтәбирдин бурун ишләпчиқирилған барлиқ сүт мәһсулатлири базардин тазиланмақчи

Дуня миқясида хитайда ишләпчиқирилған сүт мәһсулатлиридин һәзәр әйләш давам қиливатқан бир пәйттә, хитай даирилири түрлүк амалларни қоллинип,дуня җамаитиниң ишәнчисини қайтуруп келишкә тиришиватқан болуп, б б с ниң сәйшәнбә хәвиридә көрситилишичә, 13 - өктәбир хитай даирилири пүтүн мәмликәт буйичә бу йил 14 - синтәбирдин бурун ишләпчиқирилған барлиқ сүт мәһсулатлирини базардин тазилаш буйруқи чүшүргән.
Мухбиримиз гүлчеһрә
2008-10-14
Share

Хәвәргә қариғанда, бу чоң тазилашта хитай һөкүмити сүпәт тәкшүрүш, баҗ, карантин, сәһийә қатарлиқ сәккиз тармақни ишқа салидиған болуп, хитайдики һәр қайси базар, дукан, топ вә парчә тарқитиш орунлиридики қайси хил маркидики сүт мәһсулати болуштин қәтий нәзәр, 2008 - йили 14 ‏ - синтәбирдин илгири ишләпчиқрилғанла болса, меламин байқалмиған сүт мәһсулатлирини өз ичигә алған барлиқ түрдики сүт һәм сүтлүк мәһсулатлар бирдәк сетиштин тохтитилип пүтүнләй йиғивелинидикән.

Америка авазиниң хәвиригә қариғанда бүгүн йәнә, гәнсуда сәнлу маркилиқ сүт парашокини истимал қилғанлиқ сәвәбидин бөрики зәиплишип өлгән алтә айлиқ бовақниң ата ‏ - аниси, сәнлу ширкити үстидин әрз сунған болуп,балисиниң өлүмигә җавабкар болған сәнлу ширкитидин бир милйон сәксән миң юән төләм тәләп қилған. Бу хитайда сәнлу бовақлар сүт парашокидин зәһәрлинип өлгән бовақларға аит,түнҗи қетимлиқ һәқ тәләп әрзи һесаблиниду.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт