Xitay bilen teywen arisidiki herbiy hazirqiliqlar üzlüksiz kücheymekte

Birleshme axbarat agéntliqi bügün teywen dölet mudapi'e ministirliqining bir doklatini qolgha chüshürgen. Doklatta xitayning teywen'ge qarshi herbiy hazirliqliri heqqide melumatlar toplan'ghan we mulahiziler bayan qilin'ghan. Doklatta xitayning nöwette teywen'ge qaratqan bashqurilidighan bomba sanining 1300 ge yetkenliki we bu sanni 2020 - yiligha qeder 2000 gha chiqirishni planlighanliqi, xitayning bu arqiliq 2020 - yiligha kelgende teywenni boysundurush bilen birlikte, éhtimalgha qarshi amérikighimu taqabil turush küchini yétildürüsh üchün heriket qiliwatqanliqi bayan qilin'ghan.
Muxbirimiz shöhret hoshur
2010-07-19
Élxet
Pikir
Share
Print

Teywende prézidént ma yingju textke chiqqandin kéyin ikki terep arisidiki siyasiy we iqtisadiy munasiwetlerde közge körünerlik ilgirileshler barliqqa kelgen؛ teywen weziyitidiki jiddiychilikte pesiyish yüz bergen. Bu jeryanda ma yingju izchil halda xitay terepni, teywen'ge qaratqan bashqurilidighan bombilirini yotkiwétishke chaqirip kelgen hem teywenning dölet mudapi'e qudritini küchlendürüshnimu toxtatmighan. Fransiye axbarat agéntliqining xewer qilishiche, ma yingju tünügün teywen dölet mudapi'e ministirliqigha buyruq chüshürüp, amérikidin stéiwélinidighan qoral - yaraqlarning tizimliki heqqide layihe telep qilghan. Doklat we xewerlerdiki bu melumatlardin qarighanda, xitay bilen teywen arisidiki munasiwet illiqlishiwatqinigha qarimay؛ her ikki terepning herbiy hazirliqiningmu küchiyiwatqanliqi ayan bolmaqta.
Toluq bet