Ottura asiya-xitay tebi'iy gaz yolining üchinchi turuba qurulushi özbékistanda bashlandi

Tünügün, özbékistanning gazli rayonida ottura asiya-xitay tebi'iy gaz turubisining üchinchi liniyisini tutashturush qurulushi bashlan'ghan.
Muxbirimiz irade
2012.03.22

Qurulush bashlash murasimigha özbék néfit-gaz shirkitining rehberliridin shawket mazhitof we xitay döletlik néfit shirkiti CNPC ning mu'awin bashliqi wang dungjin qatniship, lénta kesken.

Xelq'ara néfit yolliri xewerler torining xewer qilishiche, özbékistandin ötidighan bu 3-liniye alliqachan ishqa kirishtürülüp bolghan a we b ikki liniyige parallél bolup, uzunluqi 529 kilométir kélidiken.

2014-Yili ishqa kirishtürüsh pilan qiliniwatqan bu qurulush türkmenistanning néfitini xitaygha toshushta muhim rol oynaydiken.

Xelq'araning diqqitini tartiwatqan mezkur tebi'iy gaz liniyisining omumiy uzunluqi 1840 kilométir bolup, bu liniyilerning hemmisi Uyghur éli arqiliq ötidu.

Qazaqistandiki atasudin, Uyghur élidiki maytaghqiche bolghan néfit aqquzush turubisining uzunluqi 1200 kilométir etrapida kélidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.