Хитайниң олимпик тәнһәрикәтчилирини тәрбийиләш усули муназирә қозғиди

Лондон олимпик мусабиқисидә һазирғичә әң көп алтун медал алған хитайниң нәтиҗиси, хитай тәнһәрикәтчиләрниң йетиштүрүлүш усуллири һәққидики талаш-тартишларниму бирликтә елип кәлди.
Мухбиримиз ирадә
2012-08-02
Share

Әнглийидә чиқидиған бир қисим гезитләрдә олимпиктә мусабиқигә чүшүватқан хитай тәнһәрикәтчиләрниң кичик бала вақитлиридин тартип, қаттиқ интизам вә тән җазасиға охшап кетидиған залим усуллар арқилиқ тәрбийиилинидиғанлиқиға даир рәсимләр елан қилғандин кейин, бу хәлқара җамаәт арисида күчлүк инкас қозғиди.

Хитай һөкүмитиниң алтун медал үчүн балиларни лагерларни әслитидиған тәнтәрбийә мәктәплиридә залим усуллар билән тәрбийилиниши көзәткүчиләр тәрипидин "әхлақсизлиқ" дәп баһаланди.

Ғәрб мәтбуатлирида күчлүк инас қозғиған бу мәсилигә қарита, бүгүн хитай һөкүмитиниң авази болған шинхуа агентлиқи мәхсус мақалә елан қилип, ғәрб мәтбуатлирини "ялған хәвәр тоқуш" билән әйиблиди. Улар ғәрб мәтбуатлириниң хитайниң нәтиҗилирини көрмәскә селиш арқилиқ, хитай тәнһәрикәтчиләрниң роһини сундурушқа урунуватқанлиқини билдүрди.

Әмма, хитай өктичи сәнәткар әй вейве олимпик башлиниш алдида елан қилған мақалисидә, хитай һөкүмити еришиватқан һәрбир медалниң арқисида бир аилиниң паҗиәси барлиқини, хитай компартийисиниң миңлиған өсмүр бала вә уларниң аилисиниң қени, җени, көз йеши бәдилигә хәлқарада өз орнини тикләватқанлиқини билдүрүп, өзиниң олимпик мусабиқисигә бу сәвәбтин қарши икәнликини ипадә қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт