Béyjingda 'térrorchilar qollanmisi'ni tarqatqan bir xitay yash sotqa tartilghan

Tünügün béyjing shehirining chawyang rayonluq xelq sot mehkimisi, féng famililik bir yashni jinayet usulini ögitish qilmishi bilen eyiblep sotqa tartqan.
Muxbirimiz shohret hoshur
2010-09-21
Share

Xitay "qanun" gézitining bildürüshiche, mezkur gumandar, xitayche "beydu" torida "térrorchiliq qollanmisi" namida sehipe échip, türlük partlatquch, ot qoyghuch we bénzin bombisi yasash qatarliq mezmunlarda telim - terbiye matériyallirini tüzüp tarqatqan.

Gumandar térrorchiliq terbiyisini bultur 11 - ayning 26 - künidin, bu yil 4 ‏- ayning 19 - künige qeder dawamlashturghan. Xewerde gumandarning meqset yaki pilanliri heqqide melumat bérilmigen.

Térrorluq endishisi xitay hökümitini eng köp bi'aram qiliwatqan mesililerdin biridur . "Térrorchilar qollanmisi" ni bir xitay yashning tarqitishi, jem'iyet közetküchiliriningmu diqqitini tartmaqta.

Közetküchilerning qarishiche, mezkur gumandar, xitay kommunist hakimiyitige qarshi öktichi küchlerdin bolishi, we belkim 5 - iyul weqesidin kéyinki xitay - Uyghur munasiwitidiki öchekishish weziyitidin tesirlen'gen, Uyghurlargha qarshi heriket élip bérishni teshebbus qilidighan xitaylardin bolushi mumkin iken.

Yene bezilerning qarishiche, bu peqet belkim peqetla qiziqish sewebidin élip bérilghan ishtin sirtqi hewes pa'aliyiti bolushi mumkin.

Xewerde bildürülüshiche, mezkur délo téxi tekshürülüsh basquchida bolup, pat yéqinda gumandarning "térrorchilar qollanmisi" ni tarqitishtiki meqsiti ashkarilinishi mumkin.
 
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet