Тәйвәндә хитайға қарши намайиш йүз бәрди

Бүгүн тәйвәндики нурғунлиған хитайға қарши кишиләр намайиш өткүзүп, "хитай һөкүмити икки қирғақ мунасивәтлири җәмийти " ниң әмәлдари җаң миңчиңниң тәйвәнгә келишигә наразилиқ билдүргән. Франсийә агентлиқиниң хәвәр қилишичә, намайиш тәйчуң шәһиридики җаң миңчиң чүшкән меһманханиниң алдида елип берилған. Бу җәрянда намайишчилар билән сақчилар арисида тоқунуш келип чиққан.
Мухбиримиз ирадә
2010-08-05
Share

Хәвәрдин мәлум болушичә, намайишичилар "тәйвән хитайдин айрим бир дөләт" дәп шуар товлиған. Намайишта бир киши қолға елинған, әмма тәйвән сақчи даирилири униң қоюп берилгәнликини билдүргән.

Хитай һөкүмити икки қирғақ мунасивәтлири җәмийитиниң әмәлдари җаң миңчиң йәкшәнбә күни тәйвәнгә йетип кәлгән болуп, бу униң 2008 - йилидин бери елип барған тунҗи зиярити һесаблинидикән. Игилинишичә, җаң миңчиң 2008 - йили тәйвәнгә барғинида тәйвән мустәқиллиқини яқилайдиған бир сиясәтчиниң һуҗумиға учриған болуп, ваң тиңйү исимлик бу сиясәтчи вәқәдин кейин хитай һөкүмитиниң тәлипи билән 4 айлиқ түрмә җазаси вә 122 миң тәйвән доллири пул җазасиға учриған икән.

Җаң миңчиңниң бу қетимлиқ тәйвән зияритидә униң тәйвән һөкүмәт даирилири билән учрашқан яки учрашмиғанлиқи һәққидә ениқ мәлумат йоқ.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.