Хитай америкиниң тәйвәнгә қорал - ярақ сетип беридиғанлиқиға наразилиқ билдүрди

Бирләшмә агентлиқиниң хәвәр қилишичә, түнүгүн америка мәтбуатлири вашингтонниң тәйвәнгә һәрбий қорал - ярақ сетип беридиғанлиқини хәвәр қилған. Мәлум болушичә, булар ф - 16 типлиқ күрәшчи айропилан, башқурулидиған бомба вә су асти парахотлирини өз ичигә алидикән.
Мухбиримиз ирадә
2009-12-10
Share

Юқириқи мәлуматни мәтбуатларға ашкарилиған америка дөләт мәҗлиси әзасиниң дейишичә, мәзкур қарар һазир америка дөләт мәҗлисигә сунулған болуп, тәстиқ күтүп турмақта икән.

Хәвәр тарқалғандин кейин хитай ташқи ишлар министирлики баянатчиси җяң йү бүгүн ахбарат елан қилиш йиғинида хитайниң буниңға болған наразилиқини билдүрүп, биз америкиниң тәйвәнгә қорал - ярақ сетип беришигә қаттиқ қарши туримиз, деди.

Бирләшмә агентлиқиниң хәвиридә бу һәқтә, обаманиң хитай зияритидин 3 һәптә өтәр - өтмәйла обама һөкүмитиниң тәйвәнгә қорал - ярақ сетип бәрмәкчи болуши икки дөләт арисида сүркилиш пәйда қилиши мумкин дәп баян қилинди.

Тәйвән һәрбий ишлар баянатчиси болса, тәйвәнниң америка билән болған һәрбий қорал - ярақ сетип бериш мәсилисидә һәм еһтиятчан һәм үмидвар икәнликини баян қилди.

Тәйвән президенти майиңҗу бундин бурун қилған сөзидә тәйвәнниң америкиниң илғар техникилиқ ф - 16 типлиқ күрәшчи айропиланлирини сетивелишни халайдиғанлиқини әмма, америка тәрәптин буниңға қарита техи рәсмий бир җаваб кәлмигәнликини ейтқан һәмдә буниң сәвәбини хитайниң қаршилиқи, дәп көрсәткән иди.

Майиңҗу сөзидә йәнә, тәйвәнниң хитай билән һәрбий һазирлиқлар мусабиқисигә чүшмәйдиғанлиқини, әмма өзини қоғдаш үчүн америкидин йәнә көпләп қорал сетивалидиғанлиқини әскәрткән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт