Xitay amérikining teywen'ge qoral - yaraq sétip béridighanliqigha naraziliq bildürdi

Birleshme agéntliqining xewer qilishiche, tünügün amérika metbu'atliri washin'gtonning teywen'ge herbiy qoral - yaraq sétip béridighanliqini xewer qilghan. Melum bolushiche, bular f - 16 tipliq küreshchi ayropilan, bashqurulidighan bomba we su asti paraxotlirini öz ichige alidiken.
Muxbirimiz irade
2009-12-10
Élxet
Pikir
Share
Print

Yuqiriqi melumatni metbu'atlargha ashkarilighan amérika dölet mejlisi ezasining déyishiche, mezkur qarar hazir amérika dölet mejlisige sunulghan bolup, testiq kütüp turmaqta iken.

Xewer tarqalghandin kéyin xitay tashqi ishlar ministirliki bayanatchisi jyang yü bügün axbarat élan qilish yighinida xitayning buninggha bolghan naraziliqini bildürüp, biz amérikining teywen'ge qoral - yaraq sétip bérishige qattiq qarshi turimiz, dédi.

Birleshme agéntliqining xewiride bu heqte, obamaning xitay ziyaritidin 3 hepte öter - ötmeyla obama hökümitining teywen'ge qoral - yaraq sétip bermekchi bolushi ikki dölet arisida sürkilish peyda qilishi mumkin dep bayan qilindi.

Teywen herbiy ishlar bayanatchisi bolsa, teywenning amérika bilen bolghan herbiy qoral - yaraq sétip bérish mesiliside hem éhtiyatchan hem ümidwar ikenlikini bayan qildi.

Teywen prézidénti mayingju bundin burun qilghan sözide teywenning amérikining ilghar téxnikiliq f - 16 tipliq küreshchi ayropilanlirini sétiwélishni xalaydighanliqini emma, amérika tereptin buninggha qarita téxi resmiy bir jawab kelmigenlikini éytqan hemde buning sewebini xitayning qarshiliqi, dep körsetken idi.

Mayingju sözide yene, teywenning xitay bilen herbiy hazirliqlar musabiqisige chüshmeydighanliqini, emma özini qoghdash üchün amérikidin yene köplep qoral sétiwalidighanliqini eskertken idi.

Toluq bet