Хитай америкини тәйвәнгә қорал сетип беришни тохтитиш тоғрисида агаһландурди

Америка дөләт мудапиә министирлиқи тәйвәнгә "вәтәнпәрвәр" бәлгилик башқурулидиған бомба сетип беридиғанлиқини җакарлиғандин кейин, хитайниң һәрбий вә дипломатик органлири америкини агаһландуруп, буниңдин еғир ақивәт келип чиқидиғанлиқини билдүргән.
Мухбиримиз әркин
2010-01-08
Share

Хитай дөләт мудапиә министирлиқи җүмә күни баянат елан қилип, америкини "хитайниң җаниҗан мәнпәәтигә һөрмәт қилиш" қа чақирди.

Хитай дөләт мудапиә министирлиқиниң баянатчиси хуаң шөпиң, "биз америкини хитайниң җаниҗан мәнпәәтигә һөрмәт қилишқа чақиримиз" дегән. Хитай ташқи ишлар министирлиқиниң баянатчиси түнүгүнки баянатида, "җуңго америкиниң тәйвәнгә қорал сетип беришигә қәтий қарши туриду, бизниң бу мәсилидики мәйданимиз қәтий вә изчилдур" дәп тәкитлигән иди.

Хитай армийисидики бәзи генераллар болса, тәйвәнгә қорал сатқан америка ширкәтлиригә имбарго қоюп, "җуңго хәлқиниң мәнпәәти билән ойнашқан кархана вә гуруһлар"ниң җуңгодики мәнпәәтини зиянға учритишни тәшәббус қилған.

Җуңго ахбарат агнтлиқиниң бу һәқтики хәвиридә, бу тәшәббусни җуңго дөләт мудапиә университети истратегийә тәтқиқат орнидики генерал майор яң йиниң оттуриға қойғанлиқини билдүргән болуп, у йәнә, хитайниң позитсийисидә "өзгириш ясайдиған вақит кәлгәнлики"ни тәкитлигән.

Америкиниң тәйвәндики ғәйри рәсмий әлчиханиси алдинқи күни баянат елан қилип, "америка дөләт мудапиә министирлиқиниң лакһед мартин ширкитигә тәйвән билән "вәтәнпәрвәр" типлиқ башқурулидиған бомба сетип бериш тохтами түзүш һоқуқи бәргәнлики"ни билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт