Xitay amérikini teywen'ge qoral sétip bérishni toxtitish toghrisida agahlandurdi

Amérika dölet mudapi'e ministirliqi teywen'ge "wetenperwer" belgilik bashqurulidighan bomba sétip béridighanliqini jakarlighandin kéyin, xitayning herbiy we diplomatik organliri amérikini agahlandurup, buningdin éghir aqiwet kélip chiqidighanliqini bildürgen.
Muxbirimiz erkin
2010-01-08
Share

Xitay dölet mudapi'e ministirliqi jüme küni bayanat élan qilip, amérikini "xitayning janijan menpe'etige hörmet qilish" qa chaqirdi.

Xitay dölet mudapi'e ministirliqining bayanatchisi xu'ang shöping, "biz amérikini xitayning janijan menpe'etige hörmet qilishqa chaqirimiz" dégen. Xitay tashqi ishlar ministirliqining bayanatchisi tünügünki bayanatida, "junggo amérikining teywen'ge qoral sétip bérishige qet'iy qarshi turidu, bizning bu mesilidiki meydanimiz qet'iy we izchildur" dep tekitligen idi.

Xitay armiyisidiki bezi générallar bolsa, teywen'ge qoral satqan amérika shirketlirige imbargo qoyup, "junggo xelqining menpe'eti bilen oynashqan karxana we guruhlar"ning junggodiki menpe'etini ziyan'gha uchritishni teshebbus qilghan.

Junggo axbarat agntliqining bu heqtiki xewiride, bu teshebbusni junggo dölet mudapi'e uniwérsitéti istratégiye tetqiqat ornidiki général mayor yang yining otturigha qoyghanliqini bildürgen bolup, u yene, xitayning pozitsiyiside "özgirish yasaydighan waqit kelgenliki"ni tekitligen.

Amérikining teywendiki gheyri resmiy elchixanisi aldinqi küni bayanat élan qilip, "amérika dölet mudapi'e ministirliqining lakhéd martin shirkitige teywen bilen "wetenperwer" tipliq bashqurulidighan bomba sétip bérish toxtami tüzüsh hoquqi bergenliki"ni bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet