Тәйвән америкидин техиму көпләп қорал - ярақ сетивелишни көзләватқанлиқини билдүрди

Тәйвән дөләт мудапиә министири гав хуачу тәйвәнниң америкидин техиму көпләп қорал - ярақ сетивелишни көзләватқанлиқини елан қилди вә бу, тәйвәнниң хитай билән болған сөһбәттә өзигә болған ишәнчисини күчәйтидиғанлиқини билдүрди.
Мухбиримиз әркин
2010-02-08
Share

Тәйвән даирилириниң мәзкур баянатидин бурун, америка - хитай мунасвити америкиниң тәйвәнгә 6 милярд 400 милйон долларлиқ қорал - ярақ сетип беришни қарар қилиши сәвәбидин йириклишип, хитай америка билән һәрбий алақини тохтитидиғанлиқини вә тәйвәнгә қорал - ярақ сатқан америка карханилириға имбарго қоюшни ойлишидиғанлиқини агаһландурған иди.

Тәйвән дөләт мудапиә министири гав хуачу, тәйвән - америка арисидики қорал - ярақ содисини ақлап, бу, тәйвән боғузиниң вәзийитини муқумлаштурушқа ярдәм бериду, деди. Гав хуачу йәнә, "америкиниң тәйвән мунасвәт қануниға асасән тәйвәнни мудапиә характерлик қораллар билән тәминләшни давамлаштуруши, тәйвәнниң хитай чоң қуруқлуқи билән болған сөһбәттики орнини күчәйтидиғанлиқи"ни илгири сүрүпла қалмай, "тәйвән кәлгүсидә үзликсиз қорал -ярақ сетивалидиғанлиқи"ни билдүрди.
 
Ма йиңҗю вә униң гоминдаң партийиси 2008 ‏ - йили тәйвәндә һакимийәт бешиға чиққандин бери, тәйвән - хитай мунасвити юмшап, икки тәрәп арисидики сөһбәт әслигә кәлгән, сода вә саяһәтчилик күчәйгән, лекин хитай тәйвәнгә қорал ишлитиш тәһдитидин ваз кәчмигән иди.
 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт