Teywen amérikidin téximu köplep qoral - yaraq sétiwélishni közlewatqanliqini bildürdi

Teywen da'irilirining mezkur bayanatidin burun, amérika - xitay munaswiti amérikining teywen'ge 6 milyard 400 milyon dollarliq qoral - yaraq sétip bérishni qarar qilishi sewebidin yirikliship, xitay amérika bilen herbiy alaqini toxtitidighanliqini we teywen'ge qoral - yaraq satqan amérika karxanilirigha imbargo qoyushni oylishidighanliqini agahlandurghan idi.

Teywen dölet mudapi'e ministiri gaw xu'achu, teywen - amérika arisidiki qoral - yaraq sodisini aqlap, bu, teywen boghuzining weziyitini muqumlashturushqa yardem béridu, dédi. Gaw xu'achu yene, "amérikining teywen munaswet qanunigha asasen teywenni mudapi'e xaraktérlik qorallar bilen teminleshni dawamlashturushi, teywenning xitay chong quruqluqi bilen bolghan söhbettiki ornini kücheytidighanliqi"ni ilgiri sürüpla qalmay, "teywen kelgüside üzliksiz qoral -yaraq sétiwalidighanliqi"ni bildürdi.
 
Ma yingjyu we uning gomindang partiyisi 2008 ‏ - yili teywende hakimiyet béshigha chiqqandin béri, teywen - xitay munaswiti yumshap, ikki terep arisidiki söhbet eslige kelgen, soda we sayahetchilik kücheygen, lékin xitay teywen'ge qoral ishlitish tehditidin waz kechmigen idi.
 

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar