Teywen, tinchliq söhbitidin awwal xitayning teywen'ge qaratqan bashqurilidighan bombilirini yötkiwitishni telep qildi

Teywen prézidénti ma yingju bügün, xitay bilen tinchliq söhbiti heqqide gep bashlashtin awwal, xitayning teywen'ge qaratqan bashqurilidighan bombilirini emeldin qaldurushi yaki yötkep kétishi kéreklikini telep qilghan.
Muxbirimiz shohret hoshur
2010-04-06
Élxet
Pikir
Share
Print

U eger bundaq bolmisa, ikki terep munasiwitining nöettiki ilgirilishide astilash bolidighanliqini we 109 milyard dollarliq tijaretningmu tesirge uchraydighanliqini bildürgen. Roytirsning xewer qilishiche, ma yingju bu sözlirini bügün, bir guruppa amérikiliq mutexessisler bilen körüshken chéghida bayan qilghan.

Ma yingju, teywen tewelikidin 160 kilométir uzaqliqtiki bashqurilidighan bombilar emeldin qaldurulmay yaki yötkiwitilmey turup, teywenning tinchliq sühbiti muzakirisi heqqide héchqandaq qedem basmaydighanliqini bildürgen.

Ma yingju textke chiqqandin buyan izchil béyjing bilen yéqinlishish pozitsiysi tutup kelgen. Ma yingjyuning bu qétimqi sözi uning hakimiyet béshigha chiqqandin kéyinki béyjinggha qarita eng qattiq teleppuzi hésablinidu.

Közetküchiler, ma yingjuning pozitsiyisidiki bu özgirishni bu yil axirida teywende ötküzilidighan wilayet saylamlirida reqibige yéngilip qalmasliq üchün dep qarashmaqta. Hakimiyet béshidiki gomindang partiyisining saylamlardiki reqibi démokiratik tereqqiyat partiyisi bolup, u xitaygha qarshi keskin we éniq meydani bilen tonulghan. 
Toluq bet