Xitay teywen'ge qaratqan rakétalirining sanini 1500 din ashurghan

Xitay chong quruqluqi bir tereptin teywen bilen bolghan munasiwetni illitish we shu arqiliq teywenni musteqilliq we yaki ayrim bolush yolidin waz kechküzüp, özining bir dölette ikki xil tüzüm siyasitini qobul qildurushqa tirishish bilen bir waqitta yenila teywenni nishanlap tikligen bashqurulidighan bombilirining sanini üzlüksiz türde ashurghan
Muxbirimiz ümidwar
2009-02-15
Share

Teywenning chong quruqluq komitétining mes'uli yekshenbe küni xitayning teywen'ge qaratqan bashqurulidighan bombilirining sanining 1500 din éship ketkenlikini bildürgen.

Chong quruqluqning bu xil siyasitige nisbeten teywenlikler her xil köz qarashta bolghan bolup, amérika awazining xewer qilishiche, teywen tashqi ishlar ministirliki ikki terep munasiwetlirining hazir illiwatqanliqi, teywen terepning teywen'ge qaratqan bashqurulidighan bomba sistémilirini bikar qilishini ümid qilidighanliqini bildürgen.

Emma, teywen dölet mudapi'e ministirliki bolsa, tashqi ishlar ministirlikidin perqliq pikirde bolghan bolup, teywen herbiy da'iriliri chong quruqluqning bu xil herikitini yenila düshmenlik dep chüshen'gechke özlirining hergizmu herbiy teyyarliqlirini boshashturup qoymaydighanliqini tekitligen.

Melumki, musteqilliq terepdari chén shuybiyen texttin chüshkendin kéyin, uning ornini gomindang partiyisidiki mayingjo igilep, teywen prézidénti boldi. Mayingjo musteqil bolmasliq, birlikke kelmeslik we qoral ishletmesliktin ibaret "üch qilmasliq" siyasitini otturigha qoyghan hemde xitayning bashqurulidighan bombilirini bikar qilishni kütken idi. Lékin, xitay terep herbiy tehdit sélishtin hazirche yaltaymighanliqini ilgiri sürgen teywen chong quruqluq komitétining mes'uli "hazir ikki qirghaq munasiwiti illidi, urush partlimaydu, biraq junggoning 1500 bashqurulidighan bombisini teywen'ge qaritip tiklep qoyghanliqinimu untup qalmasliq lazim" deydu we bu mesilede béyjingni tenqid qilidu.

Béyjing yéqinqi yillardin buyan teywendiki musteqilliqni qollimaydighan partiyilerning rehberlirini chong quruqluqqa teklip qilish siyasiti qollan'ghan bolup, gomindangning sabiq re'isi lyenjyen béyjing qatarliq jaylarni ziyaret qilghan hemde kompartiye dahiysi xu jintaw bilen uchrashqan shuningdek birlikke kélish pikirlirini muzakire qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet