Xitay yene üch neper tibetlikke éghir jaza kördi

B b s ning seyshenbe küni tibet kündilik géziti xewiridin neqil élip élan qilishiche, tibet soti seyshenbe küni yene üch neper tibetlikni, ötken yili 14 - mart lasa topilingigha qatnashqan, dep éghir jaza körgen bolup, jaza körülgen bu üch neper tibetlikning hemmisi yash qizlar iken.
Muxbirimiz gülchéhre
2009-04-21
Share

Xitay da'iriliri bularning 20 yashliq birige ölüm jazasi, 21 yashliq birige ömürlük qamaq jazasi, 23 yashliq yene birige 10 yilliq qamaq jazasi höküm qilghan.

Xewerdin melum bolushiche, bu üch neper yash tibet qiz bultur lasada yüz bergen tibetlerning hökümetke qarshi naraziliq herikiti jeryanida ikki qétimliq ot qoyushqa qatnashqanlar bolup, ular teripidin ot qoyulghan xitaylarning ikki kiyim - kéchek dukinida, alte xitay ölgen.

Lasa sheherlik ottura soti buning aldida yeni mushu ayning béshida, bulturqi lasa topilingida ot qoyush weqesige munasiwetlik, dep besh kishige éghir jaza bergen idi.

Ularning ikkisige ölüm jazasi, yene ikkisige ölüm jazasini ikki yil kéchiktürüp ijra qilish, birige ömürlük qamaq jazasi élan qilghan.

Xitay da'iriliri bulturqi 14 - mart lasa weqeside 21 kishining ölgenlikini élan qilghan bolsimu, emma tibet sürgün hökümiti weqedin kéyinki xitayning bastrurushlirida 200 din artuq tibetning öltürülgenlikini ilgiri sürmekte.

Shinxu'a agéntliqi bu yil ikkinchi ayda xitay da'irilirining hazirgha qeder lasa weqesige chétishliq dep 76 kishi üstidin éghir qanuniy jaza höküm qilghanliqini élan qilghan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet