Xitay déngiz armiyisi tinch okyanda herbiy manéwir ötküzmekchi

Xitay déngiz armiyisi mushu ayning axiri gherbiy tinch okyanda herbiy manéwir ötküzidighanliqini élan qildi. Amérika prézidénti barak obama tinch okyan döletlirige qaratqan déplomatik pa'aliyetlirini ayaqlashturup bir hepte bola - bolmayla xitayning tinch okyanda herbiy manéwir élip bérishi xelq'araning qattiq diqqitini qozghidi.

2011.11.24

Emma xitay mudapi'e ministirliqi bayanatida, bu manéwirning meqsetsiz we adettiki bir herbiy manéwirliqini bildürdi. Mudapi'e ministirliqining bayanatida mundaq diyilgen:
- Bu, aldin pilanlan'ghan we qerellik halda élip bériliwatqan bir herbiy manéwir. Xelq'ara qanunlargha uyghun halda élip bériliwatqan bu herbiy manéwir héchqandaq bir döletni yaki meqsetni nishan qilmighan.

Bayanatta yene, xitay paraxotlirining erkin yol yürüshi we bashqa qanunluq hoquqliri dexli - teruzgha uchrimasliqi kérek, dep eskertilgen.

Mezkur bayanat charshenbe küni axsham sa'etliride élan qilin'ghan bolup, yaponiye mudapi'e qisimliri yaponiyining okinawa ölkisi boyliridiki xelq'araliq déngiz rayonida xitaygha a'it 6 herbiy paraxotning körülgenlikini uqturghan.

Aldinqi hepte amérika prézidénti barak obama amérikining tinch okyandiki mewjutluqini qayta - qayta tekitligen we amérikining awstraliyining shimalida bir herbiy baza quridighanliqini élan qilghan idi. B b s ning xewer qilishiche, amérikining bu herikiti intayin roshen halda xitayning tinch okyan rayonidiki kéngeymichilik heriketlirini cheklesh we jenubiy déngizdiki igilik hoquq kürishide özining ittipaqdashlirini qollap - quwwetleshni meqset qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.