Dalyendiki xenwéy shirkiti ishlepchiqarghan tuxumlarda mélamin barliqi bayqaldi

Xitaydiki toxu tuxumliridimu zeherlik ximiyilik madda mélamin bayqalghan bolup, fransiye agéntliqining körsitishiche, yerlik emeldarlar bu ishtin bu yil séntebirdila xewer tapqan iken.
Muxbirimiz jüme
2008.10.27
Share on WhatsApp
Share on WhatsApp

 Xewerde otturigha qoyulishiche, mélaminda bulghan'ghan toxu tuxumliri daliyen shehirige jaylashqan xenwéy guruhining mehsulati bolup, xitayda ishlen'gen süt mehsulatlirida mélamin bayqalghandin kiyin, daliyen sheherlik déhqanchiliq tarmaqliri tuxumlargha qarita tekshürüsh élip barghan  hemde mezkur shirket ishlepchiqarghan tuxumlar terkibide mélamin  barliqini bayqighan.

Xewerde neqil qilinishiche, mezkur ishtin xewerdar bir hökümet xadimi, özlirining séntebirde tekshürüsh élip bérip tuxumlar terkibide mélamin bayqighanliqini, emma öktebirde élip bérilghan tekshürüshte xenwéy shirkitining tuxumliri terkibide milan bayqalmighanliqini bildürgen.

Melum bolushiche, xenwéy shirkiti ishlepchiqarghan tuxumlar xongkonggha éksport qilinidighan bolup, xewerde neqil qilinishiche,  bu hepte axiri, xongkong yémek - ichmek bixeterlik tekshürüsh we karantin qilish merkizi  xenwéy shirkiti teminligen tuxumlarda mélamin bayqighanliqini uqturghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.