Dunya Uyghur qurultiyi xitayning tosqunluqini eyiblidi

10-Aprél küni dunya Uyghur qurultiyi bayanat élan qilip, xitay hökümitining yaponiyidin dunya Uyghur qurultiyi 4-qurultiyining yaponiyide échilishigha tosqunluq qiliwatqanliqini eyiblidi.
Muxbirimiz méhriban
2012.04.10

Xitay hökümiti 9-aprél küni bayanat élan qilip, yaponiyidin dunya Uyghur qurultiyining 4-qurultiyining yaponiyide échilmasliqini telep qilghan idi. Eyni künning özide dunya Uyghur qurultiyi re'isi rabiye qadir xanimmu erkin asiya radi'osi muxbirining ziyaritini qobul qilip, xitay hökümitining bu qilmishini eyibligen idi.

Seyshenbe küni yaponiye tashqi ishlar ministirliqi bayanat bérip, yaponiyining dunya Uyghur qurultiyining 4-qurultiyigha qatnishish üchün kélidighan qurultay qatnashchilirigha chégradin kirish wizisi bergenlikini bildürdi. U öz bayanida Uyghur aktiplirigha wiza bérilishning sewebini eskertip, yaponiye hökümitining xelq arisidiki ammiwi teshkilatlarning pa'aliyetlirige ipade bildürüshining muwapiq emeslikini ilgiri sürgen.

Yaponiye tashqi ishlar ministirliqi emeldari yene, yaponiyining xitay hökümitining dunya Uyghur qurultiyining 4-qurultiyini yaponiyide achquzmasliq heqqidiki telepnamisini tapshuruwalghanliqini, emma telepnamining tepsiliy mezmunining ashkarilanmaydighanliqini bildürgen.

Dunya Uyghur qurultiyining yaponiyidiki mes'uli yaponiye Uyghur jem'iyitining bashliqi ilham mexmut ependining bildürüshiche, bu qétimqi qurultaygha dunya Uyghur qurultiyining herqaysi döletlerdiki teshkilatliridin 100 din artuq wekil qatnishidighan bolup, yaponiyidiki ammiwi teshkilatlar we bir qisim shexsler qurultay teyyarliqi üchün yéqindin yardemde bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.