Хитай сода министири түркләрниң уйғурлар билән болған мунасивитигә 'һөрмәт' қилидиғанлиқини билдүрди

Түркийә баш министири рәҗәп таййип әрдоған пәйшәнбә күни түркийидә зиярәттики хитай сода министири чен демиң билән көрүшүп, өткән йили үрүмчидә йүз бәргән "5 - июл вәқәси"гә чоңқур азапланғанлиқини, уйғурларни түркийә билән хитай арисидики "достлуқ көврүки" һесаблайдиғанлиқини вә түркләр билән хитайлар тарихқа йилтиз тартқан икки мәдәнийәтниң варислиридин икәнликини билдүргән.
Мухбиримиз әркин
2010-01-08
Share

Чен демиң болса, түркләрниң уйғурлар билән болған мунасивитигә "һөрмәт" қилидиғанлиқини әскәртип, өзлириниңму уйғурларни икки дөләт арисидики "достлуқ көврүки" дәп қарайдиғанлиқини тәкитлигән. Шундақла әрдоғанға униң 2003 ‏ - йилдин бери түркийә - хитай мунасивитиниң күчийишигә қошқан төһписи йүзисидин рәһмәт ейтидиғанлиқини билдүргән.

Түркийә мәтбуатлириниң бу һәқтики хәвәрлиридә, әрдоғанниң йәнә, уйғурларниң түркийидә уруқ ‏ - туғқанлириниң барлиқини, шу сәвәбтин уйғурларниң һозур вә параванлиқ ичидә яшишиниң интайин муһимлиқини билдүргәнликини хәвәр қилди.

Әрдоған "5 ‏ - июл вәқәси"дә хитайни шиддәтлик тәнқидләп, хитай даирилириниң уйғурларни қирғин қилғанлиқини, уйғурларға "ерқий тазилаш" елип барғанлиқини агаһландуруп, 5 ‏ - июлдики қирғинчилиқни б д т хәвипсизлик кеңиши вә ислам дөләтлири кеңишидә оттуриға қойидиғанлиқини билдүргән иди. Хитай болса әрдоғанниң сөзини қайтурувелишини тәләп қилған шундақла түркийигә вәкилләр өмики әвәтип, әнқәрәниң көңлини елишқа тиришқан иди.

Чен демиң пәйшәнбә күни түркийиниң ташқи сода ишлириға мәсул дөләт министири зәфәр чағлаян вә қатнаш министири банали йилдирим билән сөһбәт өткүзгән. Баш министир әрдоған болса, түркийә билән хитай 3‏ - бир дөләткә шерик мәбләғ салса болидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт