Җу хәйлун: 'һәр қандақ бәдәл төләштин қәтий нәзәр үрүмчиниң муқимлиқини сақлаш керәк'

Үрүмчи шәһириниң партком секретари җу хәйлун җүмә күни, һәр қандақ бәдәл төләштин қәтий нәзәр үрүмчиниң муқимлиқини сақлаш хизмитиниң бу йиллиқ әң муһим хизмәт икәнлики вә бөлгүнчиликкә қаттиқ зәрбә бериш лазимлиқини тәкитлигән.
Мухбиримиз җүмә
2010-02-07
Елхәт
Пикир
Share
Принт

Тәңритағ торида көрситишичә, җу хәйлун буларни үрүмчи хәлқ қурултийиға қатнашқан тәңритағ райони вәкиллиригә қилған сөзидә оттуриға қойған.

Хәвәрдә нәқил қилишичә, йиғин вәкиллири милләтләр иттипақлиқи тәрбийисини күчәйтиш, чарлиғучи қисимларниң сапасини өстүрүш қатарлиқ темиларда пикир баян қилған.

Җу хәйлун сөзидә, үрүмчи муқимлиқ әһвалиниң "интайин мурәккәп, вәзийәтниң интайин кәскин" икәнликини көрсәткән вә "барлиқ күчни ишқа селип, барлиқ васитиләрни қоллинип вә һәр қандақ бәдәл төләштин қәтий нәзәр үрүмчиниң муқимлиқини сақлаш" тоғрисида йолйоруқ бәргән.

Хәвәрдә көрситишичә, җу хәйлун йәнә, бөлгүнчиликкә қариши күрәшниң алаһидиликини тонушни тәкитләш билән биргә, "сиясий - қанун вә җамаәт хәвпсизлик даирилириниң ролини толуқ җари қилдуруп, қаттиқ зәрбә бериш, қаттиқ қоғдиниш, җазалашта қәтий болуп, идеологийә саһәсидики бөлгүнчиликкә қариши туруш, сиясий вә диний мәзмундики нәшр буюмлириниң әксилинқилабий тәшвиқатиға зәрбә бериш" қатарлиқларни алаһидә тәкитлигән.

Дуня уйғур қурултийи баянатчиси дилшат ришитниң билдүрүшичә, хитайниң йеқиндин буян җәмийәт муқимлиқини қайта - қайта тәкитлишидин һөкүмәт даирилириниң уйғур елидә елип бериливатқан бастуруш салмиқини ашуруватқанлиқини көрүвалғили болидикән.

Җүмә күни үрүмчи шәһәр башлиқи җарулла һисамидинму бөлгүнчиликкә зәрбә бериш һәққидә тохталған иди.

Пикирләр (0)
Share
Толуқ бәт