Ju xeylun: 'her qandaq bedel töleshtin qet'iy nezer ürümchining muqimliqini saqlash kérek'

Ürümchi shehirining partkom sékrétari ju xeylun jüme küni, her qandaq bedel töleshtin qet'iy nezer ürümchining muqimliqini saqlash xizmitining bu yilliq eng muhim xizmet ikenliki we bölgünchilikke qattiq zerbe bérish lazimliqini tekitligen.
Muxbirimiz jüme
2010.02.07
Share on WhatsApp
Share on WhatsApp

Tengritagh torida körsitishiche, ju xeylun bularni ürümchi xelq qurultiyigha qatnashqan tengritagh rayoni wekillirige qilghan sözide otturigha qoyghan.

Xewerde neqil qilishiche, yighin wekilliri milletler ittipaqliqi terbiyisini kücheytish, charlighuchi qisimlarning sapasini östürüsh qatarliq témilarda pikir bayan qilghan.

Ju xeylun sözide, ürümchi muqimliq ehwalining "intayin murekkep, weziyetning intayin keskin" ikenlikini körsetken we "barliq küchni ishqa sélip, barliq wasitilerni qollinip we her qandaq bedel töleshtin qet'iy nezer ürümchining muqimliqini saqlash" toghrisida yolyoruq bergen.

Xewerde körsitishiche, ju xeylun yene, bölgünchilikke qarishi küreshning alahidilikini tonushni tekitlesh bilen birge, "siyasiy - qanun we jama'et xewpsizlik da'irilirining rolini toluq jari qildurup, qattiq zerbe bérish, qattiq qoghdinish, jazalashta qet'iy bolup, idé'ologiye sahesidiki bölgünchilikke qarishi turush, siyasiy we diniy mezmundiki neshr buyumlirining eksil'inqilabiy teshwiqatigha zerbe bérish" qatarliqlarni alahide tekitligen.

Dunya Uyghur qurultiyi bayanatchisi dilshat rishitning bildürüshiche, xitayning yéqindin buyan jem'iyet muqimliqini qayta - qayta tekitlishidin hökümet da'irilirining Uyghur élide élip bériliwatqan basturush salmiqini ashuruwatqanliqini körüwalghili bolidiken.

Jüme küni ürümchi sheher bashliqi jarulla hisamidinmu bölgünchilikke zerbe bérish heqqide toxtalghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet