Xitay merkiziy intizam tekshürüsh komitéti Uyghur éli toghrisida uqturush chiqardi

"Shinjang xizmet yighini" yépilghandin kéyin, xitay merkiziy intizam tekshürüsh komitéti uqturush chiqirip, her derijilik intizam tekshürüsh komitétliridin mezkur yighinning rohini öginishni telep qilghan.
Muxbirimiz jüme
2010.05.22

Shinxu'a agéntliqida körsitishiche, uqturushta "partiye issitil qurulushini kücheytip, shinjangning halqima tereqqiyati we uzun muddetlik eminlikni" kapaletke ige qilish ilgiri sürülgen.

Uqturushta yene, her derijilik intizam tekshürüsh organliridin "shinjang xizmitining" "partiye we dölet omumiy weziyitidiki muhim ehmiyitini istratégiye üstünlüki" bilen toluq tonup yétish telep qilin'ghan.

Uqturushta, telim-terbiye arqiliq rehberlik qatlimidiki kadirlarning siyasiy mewqesini toghrilash, chiriklikke qarshi turush qatarliqlar ilgiri sürülgen.

Xewerdiki mezmunlargha qarighanda, bu nöwet béyjingda échilghan "shinjang xizmet yighini" da Uyghur élidiki chiriklik mesilisimu alahide tilgha élin'ghan bolushi mumkin.

Uqturushta Uyghur élidiki intizam tekshürüsh xizmiti heqqide mundaq déyilgen: "merkiziy hökümet shinjang xizmitige alaqidar körsetken her türlük muhim belgilime, orunlashturushlarning emeliylishish ehwalini nazaret qilip tekshürüshni kücheytish, iqtisadiy jem'iyet qurulushi jeryanida meblegh sélishi türlirige qaritilghan nazaret we tekshürüshni kücheytish."

Ilgiri Uyghur élini 16 yil sorighan wang léchüenning chiriklikige a'it xewerlermu otturigha chiqqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.