Gu'angdungdiki ishleydighan Uyghur ishlemchiler bilen xitaylar arisida toqunush yüz bérip 18 adem ölgen

Xitay shuyré xelq'ara guruhining gu'angdung ölkisi shawgüen nahiyisidiki tarmaq zawutida ishleydighan Uyghur ishlepchiler bilen shu yerlik xitaylar arisida zor kölemlik toqunush yüz bérip, 2 neper Uyghur öltürülgen. 118 Adem yarilan'ghan. Lékin yene bezi metbu'atlar 12 Uyghurning öltürülgenlikini, 6 xitayning ölgenlikini ilgiri sürmekte.
Muxbirimiz erkin
2009.06.26

Xewerlerge qarighanda, weqe 25 ‏ - chisla yüz bergen bolup, yerlik xitaylardin texminen 300 dek kishi qoligha kaltek - toqmaq we qingghiraqlarni kötürüp, shöyré xelq'ara guruhining shawgüendiki oyunchuq zawutida ishleydighan Uyghur ishlemchilerning yataqxanisigha hujum qilghan.

Xewerlerde saqchi we amanliq qoghdash qisimlirining neq meydan'gha yétip kelgenlikini, lékin weqege arilashmay chette qarap turghanliqini, bu jeryanda Uyghurlarning öltürülgenlikini ilgiri sürmekte.

Nöwette metbu'at wastiliri weqening sewebi toghrisida yerlik xitaylarning jidelning kélip chiqishigha da'ir bir tereplimilik eyiblishidin sirt, terepsiz menbelerning bu heqtiki melumatigha ige emes. Xewerlerde Uyghur ishlemchilerning toqquzaq nahiyisidin ikenliki tekitlen'gen. Melumatlarda yene, Uyghur ishlemchilerning sani nechche yüzge yétidighanliqi, az dégende 70 kishining yarilan'ghanliqi bildürülgen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.