Xitay yerlik edliye tarmaqliri Uyghur élide asasiy qatlamdiki qanun mulazimitini yaxshilimaqchi

Xitay yerlik edliye tarmaqlirining Uyghur élide asasiy qatlamdiki qanun mulazimitini yaxshilaydighanliqi ilgiri sürülmekte.
Muxbirimiz jüme
2010.05.31
Share on WhatsApp
Share on WhatsApp

Shinxu'a agéntliqida körsitishiche, 28 - may Uyghur élide asasiy qatlam qanun mulazimetchiliri jem'iyiti qurulghan. Mezkur jem'iyetning meqsiti asasiy qatlamdiki qanun xizmitini "qéliplashturush we tereqqiy qildurush" iken.

Xewerde körsitishiche, jem'iyetni qurush yighini 28 - may ürümchide chaqirilghan bolup, yighin'gha Uyghur élining her qaysi wilayet, oblastliridin kelgen 92 neper edliye xadimi qatnashqan.

Uyghur élide qanun qurulushini kücheytish pikri, xitay aliy soti qiyin -qistaq arqiliq qolgha chüshürülgen delil -ispatlarni sotta ishlitishke bolmaydighanliqini qarar qilghan mezgilge toghra keldi.

Uyghur élide saqchilarning zorawanliqigha a'it uchurlarmu az emes. Radi'omiz igiligen melumatlargha qarighanda, 2006 - yili yeken nahiyisi gülbagh yéziliq saqchi da'iriliri memettursun tash isimlik bir Uyghurni tutup ketken we bir mezgildin kéyin uning jesitini a'ilisidikilerge tapshurup bergen.

Nöwette, Uyghur élidiki edliye da'iriliri alghan bu tedbirlerning Uyghur élidiki saqchi zorawanliqi mesilisige qanchilik özgirish élip kélidighanliqi hazirche namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.