Xitay döletlik néfit shirkiti Uyghur élida néfit we tebi'iy gaz ishlepchiqirish miqdarini hessilep ashuridighanliqini élan qilghan

Fransiye axbarat agéntliqining xewer qilishiche, xitay döletlik néfit shirkiti Uyghur élida néfit we tebi'iy gaz ishlepchiqirish miqdarini hessilep ashuridighanliq pilanini élan qilghan. Mezkur shirket seyshenbe künidiki bayanatida, 2020 - yiligha kelgende, Uyghur élidiki néfit we tebi'iy gaz ishlepchiqirish miqdarini 40 milyon tonnidin 60 milyon tonnigha yetküzidighanliqi bildürülgen. Xewerde mezkur shirketning bu pilani, xitayning Uyghur rayonida yolgha qoymaqchi bolghan halqima tereqqiyat pilanining bir parchisi dep körsitilgen.
Muxbirimiz shöhret hoshur
2010-07-20
Share

Xitay halqima tereqqiyat pilanini gerche, Uyghur rayonida ebediy eminlikni berpa qilish üchün dep élan qilghan bolsimu, hazirgha qeder mezkur pilanda Uyghurlargha nep yetküzidighan konkrét chare - tedbirler otturigha qoyulmighanliqi üchün, közetküchiler pilanning rayonning muqimliqigha ijabiy tesir korsitelishige guman bilen qarap kelgen. Mezkur shirket, rayondiki néfit ishlepchiqirish miqdarini hazirqi 18 milyon tonnidin 30milyon tonnigha, gaz ishlepchiqirish miqdarini 23 milyard küp métirdin 29 milyard küp métirgha yetküzidighanliqini eskertken. Biraq, pilanda yerlik xelqqe qandaq nep béridighanliqi, qisqisi, yerlik xelqlerdin téxnik we ishchi qobul qilidighan yaki qilmaydighanliqi heqqide héchqandaq ipade bildürmigen. Siyasiy analizchilar, eger halqima tereqqiyat pilani bu shekilde ijra qilinsa, Uyghur élida yene éghir weqe yüz bérish éhtimalliqi barliqini texmin qilmaqta.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet